-കഥയും കഥാപാത്രങ്ങളും സാങ്കല്‍പ്പികം-
രാമേട്ടന്റെ കടയില്‍നിന്നും ഓടി കോളേജ്ഇന്‍റെ മുന്‍പില്‍ വന്നപ്പോള്‍ ആശ്വാസം തോന്നി. പതിവുപോലെ ബസ്‌ പോയിട്ടില്ല. ആര്‍ട്സ്‌ അടുത്തതിനാല്‍ ആവണം ബസില്‍ കയറുവാന്‍ പതിവിലും അധികം കുട്ടികള്‍. ഈ തിരക്കിനിടയില്‍ വലിഞ്ഞു കയറിയാലും സീറ്റ്‌ ലഭിക്കുവാന്‍ സാധ്യതയില്ല. അതിന്നാല്‍ ഏറ്റവും ഒടുവില്‍ കയറുവാനായി മാറി നിന്നു. അപ്പോളാണ് അവള്‍ ഓടി വന്നത്. ഒരേ ക്ലാസ്സിലാണ് പടിക്കുന്നതെങ്കിലും ഞങ്ങള്‍ പിണങ്ങിയിട്ടു ഒരു വര്‍ഷം പിന്നിട്ടിരിക്കുന്നു. നീണ്ട ഈ ഒരു വര്‍ഷത്തിനിടെ ഒരു തവണ പോലും ആ പിണക്കം തീര്‍ക്കുവാന്‍ ഞാനോ അവളോ ശ്രമിച്ചിരുന്നില്ല. പരസ്പരം ഒരക്ഷരം പോലും സംസാരിക്കാത്ത നീണ്ട ഒരു വര്‍ഷം.
VIRUS malayalam 